厚福館 (南角道)

Open Now

Now Closed

一行六人落九龍城打邊爐，叫咗兩個鴛鴦鍋，一個係沙嗲拼杏汁豬肺，另一個係胡椒豬肚拼蕃茄薯仔豬骨。個人認為沙嗲、胡椒豬肚同杏汁豬肺都好味😋 一開始個個顧住飲湯，到後來再加湯先發現原來後加只會係清湯。所以頭嗰幾碗湯係最好味嘅！食物方面，我哋叫左一板海膽刺身，有五匙羹，每匙羹有兩大片海膽，好鮮味👍🏼呢度啲牛肉🐮好食，我哋試咗封門柳同牛展！封門柳好淋好滑，牛展就有好香濃嘅牛味，兩款都好食。另外鵝腸都好正，好多膏，依家唔係度度有呢啲肥鵝腸食㗎喇，放落湯度淥佢十秒八秒鐘就食得，好甘香🤤小朋友就最愛黃金炸魚皮，超級香口，送啤酒汽水一流👍🏼其他食物就不過不失咁啦，試咗：脆肉鯇魚片、手打牛丸、黑毛豬片、水餃、黑柏葉、菇同菜拼盤、白飯烏冬同芫荽麵 (冇咩芫荽味)再加兩揸竹蔗茅根水同三支大青島)，埋單連加一服務費盛惠$2000。