大利清湯腩 (Moved) New Location

小公主要喺灣仔考試，唯有泊好車在附近搵食，本來打算去試附近間好出名嘅燒味店，但小公主今日唔想食燒味，唯有搵過第二間啦，過兩條街有間大大隻字寫住清湯腩，而且出面貼哂報紙雜誌嘅食評，還掂我都係本著 "好又一餐，唔好又多餐"，死就死啦。入到去，門口細細，但係入到去完來有好多位。小公主叫咗一碗牛腩河，我就叫咗一碗牛腩、金錢肚河。牛腩同金錢肚都煮到好腍，但係牛味唔見咗，湯底okay，但係河粉就唔掂，又粗，小公主嗰碗有啲粉粗到好似係粉皮咁，唔係一條條，係一塊塊嘅。碗粉連一舊牛筋都唔比我地，真係............Comments : 行開灣仔都可以一試。又係雷聲大，雨點小。冇咩特別，但算比起市面一般同類貨式好少少咁啦。