大利清湯腩 (Moved) New Location

今日在灣仔的伊莉莎白體育館有大會，而只有一個小時的午飯時間，唯求快，就選了這一間甚少客人的餐廳，主打是吃牛腩，所以我和朋友就叫了一個清湯蘿蔔、咖哩牛腩和牛腩撈麵！隨餐送清湯，不過有一點鹹！坦白說，牛腩沒有甚麼特別，咖哩味不夠濃和辣，只是不過不失的一餐飯！

灣仔區工作，㗎喱㽼發作，左手巷仔內是大利，唔理好醜，但求就手，架喱腩反，架喱有如糖槳，沒有喱味，腩如柴皮，鞋過鞋底，必喝上湯有如清水心跳，份量小，價錢貴，抬頭見亞蘇，又一心伏口伏的午餐

尋日LUNCH, 同幾個同事係灣仔聽完TALK, 咁就有個男同事提議去食牛腩既野, OK無所謂, 好食就得啦~入到去...多人到呢..又要自己等位,周圍企晒人.好啦..等左陣..終於有位了, 就叫左個金錢肚牛筋河~2幾蚊左右..OK啦D牛, 但同其他既麵檔無咩分別, 反而見同事食牛腩飯, 有個牛清湯送, 個湯都幾好飲~另外叫左個蘿 蔔 , 清 甜, 但係個D腩汁少飲好D, 都唔係幾似, 可能加味精之後杯凍奶茶...冰佔半杯...下次要少冰先得~另外同事既凍檸茶....得2片既檸檬又唔厚..同紅茶有咩分別...總括..一般啦..野飲下次一定唔叫

與友人一起到灣仔上關於葡萄酒的課程，故需先打底，一向大利的名字也不錯，故友人便提議到附近的大利去~由於剛由黑雨轉紅雨，街上沒太多的人流，店內也如是，只有小貓幾隻~我們也不太餓，故只點了淨牛腩及紫菜三寶湯，因餐牌上寫著馳名清湯牛腩、手打魚蛋~但店員好像不太高興，問了句「得咁多咋﹖」，我們也沒有理會~很快的便送上兩款食物：淨牛腩 - 由於是清湯腩，故味道不會太濃，適合我，但牛腩的質素較參差，第一件放進口的不錯，另一件放入口卻咬不開，再放多件入口肉質卻是散的... 看看當天的運氣，運氣好的會吃到不錯的牛腩~ 紫菜三寶湯 - 顧名思義，是牛丸、魚蛋及墨魚丸，友人將墨魚丸放入口後第一個反應是：我在吃甚麼﹖我立刻試一口，要是我沒有看它的外表，我一定不會知道是墨魚丸！沒有墨魚丸的味道、也沒有墨魚丸的質感；魚蛋相比起墨魚丸來得正常，肉質也頗彈牙，唯一問題是沒甚麼魚丸味；牛丸算是最好吃的，但卻只是一般街市凍肉店的貨色，紫菜很難會不好吃的~ 這個三寶不試也罷~ 總括來說，不知是否以往出名，這裡服務態度真的麻麻，加上如斯質素的食物，不試也罷~

到摩利臣山上堂前，來了這裡吃過麵。寫呢篇食評既時候，估唔到大利是喊臉之店。要的係咖喱牛腩撈，先試個湯，不是清湯腩鋪既水準，跟華姐的有段距離。牛腩是不錯的，瘦瘦的似瘦肉，邊帶點肥，似樣的。咖喱油油的，唔算辣，一般。水準跟以前比是差了，不好吃的亦不是。PS︰那個傳說中的九記仲未有機會幫襯，要搵日去試下。

上星期日去左灣仔食大利清湯腩..原因係男朋友話想去試下...個條路真係好難搵...因為佢係好入...唔係好容易比人發現入到去人唔多不過見到好多廣告係門口介紹..我男朋友就叫左咖哩牛腩...我就唔好牛..所以就點左雲吞..咖哩牛腩黎先..一睇好似好多肥膏....食落好唸...不過冇咩牛味可能因為比d咖哩蓋掩晒...我就覺得麻麻地...又唔係阿蘇講到咁好食..我男朋友就覺得ok.順帶一睇....我地一致認為雲吞有水準...幾好味仲有d辣椒油好香..下次不妨試下

第一樣,未食過大利咖喱牛腩既朋友本人見意就唔使點試, 因為從前就不及清湯腩好而清湯腩,早幾個月前買過一次, 曾經夾雜著雪腩, 就開始對呢間野失望,唔知其他分店有無人遇過咁既情況?而最近幾次都無呢個情況出現既,不過牛腩就越做越差,不下3次都比D晒鞋肉我, 心想撘一兩舊係人知常情,成碗都係就差左少少. 最近諗住再試多次, ORDER時直頭叫埋"坑腩", 最後既結果..........(都係.........)....,唉, 唔知係D丫姐唔理我講,,定係跟本佢地已經無靚牛腩!如果去個度食,我食得廿八九蚊碗腩依, 我唔怕比多2-4蚊啦, 比D咁既貨仔我,我過唔到自己!PS: 我無記錯既應該係大慨丫蘇出左佢地廣告後就開始漸漸失準了

下午茶時段店舖不算多人, 今次點了一碗清湯淨牛腩...牛腩很腍, 味道亦很好, 果然名不虛傳, 份量都唔少.... 而湯則鹹了一點. 但是值得試試!

26蚊一碗腩河，大大舊腩肉，以量來說ok!但質素只係So So!其實唔只大利、連9記都係，我一直懷疑呢D所謂名人食鋪，係有二㷛腩，一㷛俾名人食客，另一㷛俾慕名而來ge散客！

三月中旬位在灣仔道不起眼處的老店，午市以街坊客及學生為主，單一式炆牛腩兼售牛筋肚、魚蛋的廚部設近大門位置，甫入店卻嗅不到如殿堂老店九記或後之秀群姐般，瀰漫著以牛骨熬出的濃郁牛羶香，那麼湯底質素未嚐已心理有數。爽腩竟只幾片「淨膜」敷衍了事，須知爽腩精華在於膜的膠質連著脂肪油甘，還有少量瘦肉帶出肉香的三重風韻，淨膜吃上口如嚼臘，沒有瘦肉只得脂肪，多吃亦覺油膩。更多爽腩故事分享＠http://foodxfile.blogspot.com/2010/03/blog-post_18.html

一來避雨二來聽左咁耐都想去下門口又貼晒電視介紹仲以為佢好耍家叫左碟菜心不過老過老虎一杯奶茶味道一般一碗牛筋腩麵d牛腩一粒粒應該叫牛肉粒份量少唔在講食落去無味無道睇住幅牆貼住大大張紙話「唔飲湯就大損失」?咁就認真到爆去飲啦點知同「滾水」無分別又話幾十斤牛骨熬成睇怕用錯d「縮骨」唉!總之無下次

我叫左一個26元ga湯腩,碗野ga買相都ok但係一食落口 就"嘩......嘩.....嘩"苜先講下碗湯先,本身都以為個湯清清地,都係一種特色,但係一飲落同"是油"+水無咩分別..之後係個牛腩,個牛腩係我食過最差最差ga牛腩,d牛腩同煲湯豬肉一樣．柴皮仲叫左一個咖哩牛腩,d樣野連買相都唔得,一睇佢就知一碗紅油浸牛腩睇到都唔想食,食落去牛腩同紅油都分開ga,牛腩一d都無咖哩味。本身我地都想叫個牛腩汁浸蘿白,但係見都後面有人叫左,轉頭一望,係一碗清水煮蘿白..難為佢地仲叫得出牛腩汁浸蘿白。

一向都有去大利吃清湯牛腩，味道是不錯的，阿蘇介紹前已經有去過。但是，最近去的幾次就令人非常失望。今天再去，還是失望而囘。這次是最後一次了。我的食後感如下：1. 大利的清湯變得越來越清了，淡而無味，一點牛味都沒有了。竟然要加辣椒油才行。2. 牛腩非常硬。塞牙縫。好像煲完湯的牛腩。 指定亢腩都沒有用，夥計說不一定全給亢腩，沒有那麽多亢腩。以前都不會這樣。即使沒有指定亢腩，普通牛腩也沒有那麽硬。我跟她說：“如果客人要亢腩，你們可以收貴一點就行了“。真不會做生意。結果，來得是硬牛腩，完全沒有牛油的香味，湯又沒有味，還貼阿蘇的照片，真是映衰阿蘇。

今日買了外賣清湯腩河和腩汁蘿蔔,非常失望.牛腩肥而無味,湯底如水.碗河只吃了幾ロ已不想食記得以前中環店的腩河是很正的,可能現在有了些名氣就不用用心做了.唉!

What's up with the other reviews?I've been to this place many times, and honestly I never tasted anything bad. I'm confident about my tasting ability... I could prove it, but it's not like people really cares...Anyhow.I always order a serving of white radish in addition to my beef flank. The white radish is sweet and tasty. The beef... it's not particularly soft. But you can taste the beef essence. It's not PLAIN as some other reviewers described. And the beef soup is delicious!Besides, NO WAY t