宴 尖沙咀

老公話好耐無食和牛放題就話自己上網穩左間好正既餐廳想帶我去試下，店內裝修好似穿梭到沖繩居酒屋咁，好似處於日本既feel咁🏯而呢間放題淨係星期五至六先有，最高級套餐可以任食和牛、松葉蟹、日本豬肉同雞肉。食完之後真係覺得好正唔怪得老公話想食好耐啦，真係超推薦，如果想食換個牛放題就要揀星期五六啦我地揀咗豉油湯拼豬骨湯鍋底，呢個係日式經典口味，個豉油湯底唔會過鹹仲有少少甜味，落咗食材之後個湯底就越滾越好鮮甜。豬骨湯都好濃郁，白色嘅湯頭睇落就熬咗好耐，骨頭嘅精華全部都熬咗出嚟！濃郁嘅香味飲落超鮮美我地叫左松餐，呢個餐係任食所有食材🌟特上宮崎和牛呢個宮崎牛係最高級既牛，睇個紋理係超靚，紅肉同埋脂肪嘅霜降比例都好均勻，睇得出息好高級既牛肉，食落去個肉質好嫩滑，肉汁飽滿，入口即化。一啖接一啖，完全停唔到手🌟松葉蟹D蟹好大條，好肥美，拆開嚟滿滿都係蟹肉，每件蟹腳肉都好新鮮，食落去好軟嫩，好鮮美。超滿足🌟日本豚肉豬肉分量都唔少，肉眼可見新鮮高質，肥瘦相間嘅肉片切成薄薄地，好快就熟，仲要係一d腥味都冇，點左少少醋更加風味十足