616牛肉火鍋專門店 (白楊街) (Closed)

如果諗起專食牛既火鍋店，第一下都會諗起616牛肉火鍋專門店，因為佢地其中一個賣點就係牛肉既款式特別多，價錢又唔貴，所以都一直係我會encore既餐廳之一。今晚就過左黎深水埗呢間分店，門口有得泊車都算方便。616另外有樣好出色既就係佢個溶岩沙嗲湯底，個湯底真係勁濃勁多料，煲左成晚都仲感受到濃烈既感覺，沙嗲愛好者真係必試。牛肉就叫左油脂味重既信州和牛肩胛，真係好好肥美入口即溶。蘇格蘭雪花胸肋都係偏向油脂味重，肩胛翼板同牛上肋就牛味比較重，建議真係要全部試下，餐廳都會有教d牛要煮幾耐先至最好味，直接跟番就無問題了。另外除左牛肉都叫左其他野，毛肚好爽口，鴨血同扇貝都值得一試，油麥菜再加埋沙嗲湯底真係好正。另外都叫左一枝菊花桂圓露，清清地都好飲。