Brass Spoon (Changed Hand)

Brass Spoon ，銅匙？今日老婆帶我黎灣仔食好嘢，佢事先話比我聽，佢每次想食越南河，就黎呢度，原來呢間仲係米芝蓮車胎人推介餐廳添！牛肉粉有4款，我就揀左生熟牛肉河（$85）。牛湯油、洋蔥、蔥同芫茜嘅多寡亦可以自己揀。隨河粉仲有一份檸檬香茅芽菜。一飲啖湯，不得了，好香甜，唔似有啲越式湯河個湯咁鹹。第二個味道，就可以加幾滴檸檬、香茅同辣椒粒（要另外問店員拎），湯底即時變得酸辣，都好味wor...牛肉無論生或熟都唔錯，河粉亦好滑溜，$85一碗河粉，雖然唔平，但偶然食一次無妨。