台灣郎

Open Now

Now Closed

台灣郎✖️原本想去西環坤記食煲仔飯，但真係好長龍呀。即刻轉戰去下條街食台菜，呢間餐廳位置好好，隔離就係地鐵站，夠方便。餐廳好大，座位好闊落，坐得舒服，幾位顆計都係講國語，好有親切感。叫個晚餐一款飯或麵都係七十幾蚊，仲有杯冬瓜茶。另加15蚊有一款小食。鹽酥雞真係一般般，豪大大仲整得仲好食啲添！台灣魯肉飯，賣相好，但唔夠香。始終都係甜圓坊嘅最啱食。台灣紅燒牛肉麵，嗰湯好香好好飲。台灣手工麵煮得剛剛好，仲彈㗎，牛肉份量都唔少，但唔係半筋半肉。總之就有得讚冇得彈！仲有好多其他台灣嘢食。總有一款合你口味！