小王牛肉麵 (Closed)

小王牛肉麵呢排擴張得非常快 開到好似鋪路上市咁😵 裝修都算幾靚 有開另一邊counter專做外賣飲品 廚房同舖面只係一塊玻璃之隔 透明度高左 顧客自然望到廚師煮面既認真or hea樣😂 見d侍應傾計傾得咁開心又咁大聲 真係會忍唔住想搭兩句嘴😶半筋半肉麵我揀左粗麵 係刀削麵咁闊不過比刀削麵厚d 唯一係煮既時候冇整散d麵 d麵就算浸係熱湯入面都痴埋一舊舊😰 牛筋同牛肉我就比較鍾意牛肉多d😉 牛筋煮得好稔身但唔入味 比較似將一舊肥膏擺入口既感覺 可能係我唔太鍾意入口即溶既牛筋🙈 牛肉比較好 入味之餘唔會硬 中間有少少筋位食落口感一流👍🏻 酸菜好鹹 不過都係用黎吊下味架啫😊 湯好油🌚 碗麵個面已經明顯有一層油 唔係好夠膽飲啦😐碗麵貴得黎份量唔多 一個普通女仔既食量應該會覺得啱啱好 男仔就可能要叫多碗小食啦 但閒閒地叫多個台式小食都40蚊走唔甩😱