Video
Read full review
2013-10-06
156 views
今次已經係第二次食老表，兩次都係週末。鋪頭o係觀塘廣場地下既其中一條巷仔入面，都幾窄，中間穿過一兩間茶餐廳，行到盡頭就到。雖然呢間野打正旗號做雲南羊肉湯，但老闆其實係鬼佬（收錢o個個）。呢度既米線有大碗同細碗揀，細碗都好大兜，男士食一個細碗都會夠飽；大碗就啱兩個女仔share。有皮既羊肉米線($32)，每件羊肉稍為大少少，望落都幾多，不過肉既份量就真係偏少。有層皮既話當然會滑啲，而中間既脂肪亦會令啲肉香啲，不過皮會帶少少毛，介意既話最好都係叫冇皮羊肉。個湯算唔錯，有少許羊既羶味，不過再羊味再突出啲就更好。第一次食冇皮既羊肉米線($32)覺得都OK多羊肉，但第二次就得返好少，食兩啖就冇哂。而且個羊本身應該冇乜調味，而個肉質偏實，所以整到細細條咁易食啲。總括黎講，其實冇乜驚喜。今次除咗羊之外，仲試咗牛腩米線($31)。牛腩出奇地大舊同多，顯得啲羊肉更加少。啲牛腩係連住少少脂肪同軟筋既部位，連埋一齊食口感豐富，味道更加濃烈，而且煮得比羊肉稔，所以我覺得牛反而好食過羊。湯底方面，顏色冇羊肉湯咁白，亦冇羊湯既羶味。我食開華姐清湯腩既湯底比較清，而老表就比較重味，有佢自家既特色風味。佢另外仲有個小
鋪頭o係觀塘廣場地下既其中一條巷仔入面，都幾窄，中間穿過一兩間茶餐廳，行到盡頭就到。雖然呢間野打正旗號做雲南羊肉湯，但老闆其實係鬼佬（收錢o個個）。呢度既米線有大碗同細碗揀，細碗都好大兜，男士食一個細碗都會夠飽；大碗就啱兩個女仔share。
有皮既羊肉米線($32)，每件羊肉稍為大少少，望落都幾多，不過肉既份量就真係偏少。有層皮既話當然會滑啲，而中間既脂肪亦會令啲肉香啲，不過皮會帶少少毛，介意既話最好都係叫冇皮羊肉。個湯算唔錯，有少許羊既羶味，不過再羊味再突出啲就更好。
第一次食冇皮既羊肉米線($32)覺得都OK多羊肉，但第二次就得返好少，食兩啖就冇哂。而且個羊本身應該冇乜調味，而個肉質偏實，所以整到細細條咁易食啲。總括黎講，其實冇乜驚喜。
今次除咗羊之外，仲試咗牛腩米線($31)。牛腩出奇地大舊同多，顯得啲羊肉更加少。啲牛腩係連住少少脂肪同軟筋既部位，連埋一齊食口感豐富，味道更加濃烈，而且煮得比羊肉稔，所以我覺得牛反而好食過羊。湯底方面，顏色冇羊肉湯咁白，亦冇羊湯既羶味。我食開華姐清湯腩既湯底比較清，而老表就比較重味，有佢自家既特色風味。佢另外仲有個小食係烚羊尾巴($10)，今日有3條，我12點幾去到已經冇左兩條，不過由於佢係烚既關係，感覺上不太吸引，所以冇試到。我如果俾我再去，我都係會捨羊取牛......
Post
