牛芳百世 (Closed)

咁啱同事都出哂差，一於傻傻地出去試吓。中午左右去到，基本上唔使等位。但係咁早就冇坑腩，得崩砂同爽腩，我叫完爽腩飯冇耐就連崩砂都冇埋，有冇咁好賣呀，啲枱都未坐滿吖？係咪唔想做午市呢吓？爽腩飯嚟到，飯同腩分開上。碗腩好似幾人大碗，但其實大部份係墊底蘿蔔。湯聞落幾香，飲啖，唔太咸，唔錯。蘿蔔幾稔同清甜，雖然有啲渣，不過可以接受。爽腩的確幾好，稔，香，鮮。單以牛腩計係 OK 抵食。最失敗竟然係碟白飯 - 硬到以為係冷飯！𡁻咗幾啖，都頂唔順，倒佢落碗爽腩變湯飯至食得哂！扣四十分起碼！