GYU TOWN 牛舌專門店

Open Now

Now Closed

深水埗呢間牛舌之前已經係人氣小店，接近一年前食過一次，果陣都要排接近1個鐘嘅隊，食完都覺得可以再試。今次過左晚餐peak hour黎食，雖然唔使排隊，但都接近滿座。餐廳座位唔多，舖頭都安排收納凳可以將個人物品放喺凳入邊。今次叫咗安格斯牛板腱配牛舌尖，另外升級套餐一,套餐包括湯 、沙律、汽水、飯會將白飯升級 為滿溢牛舌筋溫泉蛋丼。 餐湯係用洋蔥，牛肉熬成嘅湯，飲落都有洋蔥嘅鮮甜。升級咗嘅牛舌根飯，肉量十足，都要夾咗出嚟先食到。牛舌根食落偏甜，帶有酒味，第一啖食落似台灣滷肉。細食嘅建議揀普通套餐，粒粒嘅牛舌根，大添咗飽腹感。鐵板嚟到熱辣辣，香氣十足。鐵板底部用洋蔥鋪滿，然後再放上所選嘅肉類。除咗為肉類增添咗洋蔥香味，亦都可以避免係食用期間牛肉過熟。安格斯牛板腱相對較為靭，但勝在牛味亦都夠濃。相反，牛舌尖爽口，油膩感比牛板腱低。食到尾段覺得油膩，可以食套餐提供嘅子薑同味噌辣椒。味噌辣椒味道偏辣，加少少已經可以令到肉類惹味。整體喜歡食牛舌嘅可以一試。