順日本料理 (Closed)

本身好鍾意食牛舌，去到任何日本餐廳有牛舌菜式都會試嘅我～今日終於有機會試位於天后、出名食厚燒牛舌「順日本料理」厚燒牛舌飯套餐飯上有5塊超厚牛舌，厚牛舌經過烤煎方式處理，咬落去外皮香脆，內裡肉質嫩滑，勁juicy，加上食落有淡淡黑椒味，令整個配搭非常惹味，令人回味無窮😊；套餐同時配上軟滑珍珠飯，味噌湯及雜菜沙律，性價比極高！壽喜燒材料豐富，有牛肉、豆腐、金菇、冬菇、粉絲及娃娃菜等等，壽喜燒湯汁惹味，唔會過份甜，鍋內有好多牛肉片，牛肉煮得剛剛好，食落鮮嫩一啲都唔係鞋口清酒煮蜆份量多，蜆肉新鮮飽滿，一啲沙都冇，食時有淡淡嘅清酒香，而且調味剛剛好，唔會似出面嗰啲得個死鹹味醂魚乾魚乾香脆唔乾，令人想不斷食，配啤酒簡直一流選擇