UCC COFFEE SHOP

Open Now

Now Closed

呢間分店好似開得特別早，9點就開門。朋友成日嚟食早餐，今日就陪下佢嚟食。間舖喺一田入面，個位都有啲難搵，冇行開真係唔知嗰個位有間餐廳，但估唔到平日9點都好快坐滿！我地叫左豐盛早餐，有多士，蛋，沙律，維也納腸，煙火腿片同兩塊薯餅會再跟杯咖啡。我加$10轉咗塊多士做牛角酥窩夫，個窩夫其實就係攞牛角包，用窩夫機夾扁咗，都幾脆，加埋糖漿幾好食。朋友冇轉到牛角酥，佢塊厚多士睇落都唔錯。個蛋我要咗炒蛋，但係炒得都幾差，完全睇唔出係炒蛋，成塊膠咁，有啲後悔。朋友要咗煎蛋，明顯靚過炒蛋好多。薯餅炸得啱啱好好香脆，其他配菜都OK。咖啡要左UCC招牌咖啡，都幾好。七十幾蚊個早餐咁多嘢食仲有咖啡，唔怪得朋友成日嚟食。