Non Kitchen

Open Now

Now Closed

終於喺牛頭角搵到有間同朋友傾計嘅好餐廳，喺鴻圖道，離牛頭角站非常近嘅Non Kitchen。喺樓下見到呢個牌再行上一層就啱啦。上到去，餐廳環境非常之大，座位之間有好多空位，適合同朋友默默傾計或者約會。裝修亦有情調。晚上有set dinner，感覺份量好大，所以就同朋友選擇咗散叫。首先，餐前包好軟熟👍🏽阿拉斯加蟹肉牛油梨塔 - 識落淡淡蟹肉，加上牛油果香華，非常之開胃。日本鹿兒島黑豚肉扒 - 未食過咁好食嘅豚肉扒，肉質嫩滑，一啲都唔韌，仲有好多肉汁，非常高質素。香辣茄汁大蝦天使麵 - 天使麵唔算好辣，大蝦啖啖肉。意大利芝士餅Tiramisu - 超高質嘅Tiramisu，比起平時嘅更加多酒嘅香味，好陶醉。總括來講，推介呢一間餐廳比朋友或者情侶聚會，價錢合理。