SUKIYA すき家 (亞皆老街)

Open Now

Now Closed

無得去日本旅行，唯有食個牛飯解下思郷情。叫左個芝士牛肉飯餐同泡菜牛肉飯餐。個餐可以根據個人飯量選擇大中小，價錢都唔同，個設計唔錯，經濟得來又唔會浪費食物。芝士牛肉飯既面都鋪滿左一層牛肉，份量上係無渣流攤既，肉口感唔錯，都有牛味既，配埋d芝士撈飯食都唔錯，有陣奶香。另外個飯d泡菜都算新鮮，無酸叔味，不過份量就少d，得幾塊。跟餐試左炸雞，雞肉都炸得鮮嫩既，有肉汁，幾好食。價錢方面就超值，人均60左右就有餐，有飯有肉有菜有野飲，抵食。