碼頭故事 (Moved) New Location

聽講尖沙咀有間火鍋店係全國有200幾間分店，仲話啲牛肉好靚好新鮮，今日約埋三五知幾去試下。呢間位於寶勒巷既碼頭故事，一入去有種中式懷舊既感覺，連張櫈都係舊式板凳，相當有味道。餐牌只得一大張，野食唔算好多，但望落有好多出面好少有得食既野，例如牛黃喉，麻辣牛肉等等最後決定叫左個鴛鴦鍋，一邊牛油麻辣，一邊豬骨湯。第一樣野黎就係雞子，店員叫我地食左先，怕會影響個鮮度，未食過咁細粒既雞子，比起出面既大粒雞子鮮味有過之而無不及。呢個炸酥肉又香又脆，側邊仲有啲辣椒粉俾你點黎食，菜如其名完全做到香酥脆既效果，傑作。招牌牛黃喉，第一次食，好爽，有啲似牛柏葉，有少少牛味，唔錯。重點推介呢度啲牛肉，我地一共叫左三種，嫩滑牛肉，麻辣牛肉同埋安格斯牛肉，每一款牛都好鮮好重牛味，入口即溶。特別推薦麻辣牛肉，爽口彈牙之餘仲好有麻辣味，真係相當唔錯!呢餐仲叫左好多唔同既野食，都算中上水平，但呢度啲牛好出色，性價比高，有機會一定會再黎。