616牛肉火鍋專門店 (積富街)

Open Now

Now Closed

天氣涼涼地就想打邊爐，今次去左大圍果間616牛肉火鍋專門店。裝修走懷舊風，有以前糧油雜貨舖感覺，係等位既時候忍唔住影幾幅相打下卡。建議打電話book枱，因爲多人食既關係，walk in既要等差不多30 - 45分鐘。雖然走懷舊風，但用ipad落單絕對方便。鴛鴦湯底揀左新推岀既酸菜湯底同牛骨清湯底。舖頭好細心，連墊枱紙都畫埋牛既部位同淥既時間，跟住叫就最好不過。肉類叫左匙柄，三花腱，卦門柳，吊龍伴，其他就叫左羽衣甘藍，嚮鈴同烏冬。酸菜湯底好好食呀，淥個烏冬落去，簡直係止到我對酸辣粉既癮!啖啖肉好正呀，整體對牛既認識多左，原來牛可以咁爽，咁腍，咁juice。客人仲可到自助吧調較醬料，記住試個牛肉汁同青檸，絕對係味覺提升！616仲有段優惠: 晩上19:15前結賬離座 或 後入座 均享有88折。