大麥牛肉麵 (Closed)

朋友知我中意食牛肉麵，就帶左我黎呢間西環既小店，呢度既麵條都係手打既！黎到發現都幾多人黎食，果然好野傳千里！店面裝修溫馨有格調，先叫左一份滷水雞翼，呢個係老闆推薦我地叫既！滷水雞翼都幾大隻，味道夠濃，唔會得表面，內裡既雞肉都入哂味，非常不錯呢！到我最想試既招牌紅燒牛肉喬麥麵，湯底超級濃郁，飲得出非常足料唔係味精湯，喬麥麵麵質好彈牙又有咬口，自家製的確係唔同d,同埋都會更健康！值得一提係佢地既蘿蔔勁好食，完全吸哂牛肉湯既精華，又煮到好軟，正！見到人地飲酸梅湯，我都忍唔住叫左杯，呢個仲加左桂花同薄荷，飲落更加清爽！酸酸地十分開胃呢！呢度既食物性價比高又抵食，絕對會再黎啊！