倫哥火鍋私房菜 (Closed)

呢間店想去好耐，今次終於到機會去，之前其實問左幾個曾經去過的朋友食評，都係好評多，所以對今次都充滿期望。有兩個前菜係青豆同木耳，都幾入味。之後仲有炆鮑魚同埋象拔蚌刺身，正呀。調味料有五款，豉油好好味！跟著就到雞煲，揀咗小辣但都唔覺辣，哈哈。雞煲可以加雞，我哋加咗一份…發覺全部係骨位比較多…對比本身全部都係肉，差好遠。啲雞明明唔太肥都不停爆油出來，好彩會轉煲打邊爐。火鍋湯底選擇幾多，打邊爐料係任食，仲有部份海鮮都係任食！有蟹有蝦有好多款蜆同蚌...全部都好新鮮同埋冇沙，值得一讚。飲品任飲，最後仲有甜品，我同朋友食到好飽呀…埋單一人唔使$300，抵！