Video
Read full review
2023-08-19
45 views
另一半生日，梗係帶佢去食好嘢。朋友介紹銅鑼灣呢間日本料理，朋友一般都好嘴刁！所以跟佢唔會錯，果然冇失望。入到去環境高級，我哋都好期待d食物。我哋揀咗懷石料理套餐，因為壽司都食得多啦，想試吓其他嘢。開胃菜整體酸酸甜甜，非常開胃，亦都好啱我胃口，因為我鍾意食酸嘢。然之後有刺身拼盤，比想像中多款式，竟然有金目雕！之前日本食過覺得好好味，估唔到香港都可以食到！帶子亦都非常鮮甜，勁大粒。八爪魚刺身，非常鍾意佢酸酸甜甜嘅調味。然後到煮食，首先係煎魚，中間嘅蒜蓉調味非常惹味，成件事加埋好香口，好好味。之後係和牛，佢嘅擺盤好有心思，首先有個袋裝住，打開咗之後就可以點和歌山椒粉食，聽師傅講呢種調味料唔係周圍都有得食！係佢公司特登喺日本選購返嚟，又真係好好味😍呢個配搭第一次是，好正。另外隔離仲有個有炸皮嘅巨峰提子，又係第一次食，但係非常正，外面脆，入邊有巨峰提子爆汁，勁甜😋牛肉方面都係非常之美味，牛味好香。全部食物都好味，當中超級鍾意呢一個蟹膏撈飯，非常足料，佢嘅醬鋪滿飯之餘仲要係好有厚度，撈極都有！而且佢調味超級好味，有啲Creamy但係又唔會漏，仲有啲蟹肉，總之成件事好足料，超好味！超級難忘。另外佢嘅
入到去環境高級，我哋都好期待d食物。我哋揀咗懷石料理套餐，因為壽司都食得多啦，想試吓其他嘢。
開胃菜整體酸酸甜甜，非常開胃，亦都好啱我胃口，因為我鍾意食酸嘢。
然之後有刺身拼盤，比想像中多款式，竟然有金目雕！之前日本食過覺得好好味，估唔到香港都可以食到！帶子亦都非常鮮甜，勁大粒。八爪魚刺身，非常鍾意佢酸酸甜甜嘅調味。
然後到煮食，首先係煎魚，中間嘅蒜蓉調味非常惹味，成件事加埋好香口，好好味。
之後係和牛，佢嘅擺盤好有心思，首先有個袋裝住，打開咗之後就可以點和歌山椒粉食，聽師傅講呢種調味料唔係周圍都有得食！係佢公司特登喺日本選購返嚟，又真係好好味😍呢個配搭第一次是，好正。另外隔離仲有個有炸皮嘅巨峰提子，又係第一次食，但係非常正，外面脆，入邊有巨峰提子爆汁，勁甜😋牛肉方面都係非常之美味，牛味好香。
全部食物都好味，當中超級鍾意呢一個蟹膏撈飯，非常足料，佢嘅醬鋪滿飯之餘仲要係好有厚度，撈極都有！而且佢調味超級好味，有啲Creamy但係又唔會漏，仲有啲蟹肉，總之成件事好足料，超好味！超級難忘。
另外佢嘅湯同埋日本蜜瓜甜品都好高質，估唔到湯入面仲有啲面可以食，真係好夠飽。日本蜜瓜嘅份量都好多，非常慷慨。
價錢唔平，但係對得起價錢嘅一餐美味日本菜！
Post
