Video
Read full review
2006-09-06
12 views
佢地出名飲靚茶,花茶,我地就一人一壺唔同味嘅香片茶. 次次開頭都係太肚餓,記性係差啲. 咩茶名真係唔多記得喇. 但係當然同出面六,七蚊茶錢嘅茶係香好多,有齒甲留香嘅感覺. 個冷麵嘅梅子味好清新,好有特式!! 點心之中佢地最出名係雀籠點心,係由西式high tea演變而成. 一個籃仔有兩層,上層有水晶蝦餃,鮑魚燒賣,瑤枉豆苗餃,下層有金華火腿容蘿蔔酥,鮮蝦露筍春卷同埋燕窩蛋撻. 個蝦餃同燒賣都好多原隻蝦,好爽,而且真係有粒真鮑魚係燒賣上面,唔係假鮑魚架!! 蘿蔔酥有金華火腿咸香,好味! 個春卷好大條,好多料,食到春卷其實已經好飽. 個蛋撻等食埋個腐皮卷先食. 上湯係老火雞湯,有少許味精,不過個腐皮卷咁多料,已經忘記咗喇. 其實個蛋撻都有少少食唔落,不過睇見面頭成大湯匙燕窩冇理由唔食架,飽都要食埋咁多燕窩嘅蛋撻. 重記得之前采蝶軒嘅燕窩蛋撻嘅燕窩大約兩粒紅豆咁多啦,好似好巴閉咁,同我而家面前嘅蛋撻真係差天拱地!! 對我嚟講個蛋撻唔會太甜,不過正常嚟講係淡咗少少. 不過咁多燕窩係面,抵番哂啦. 食到呢度,再飲多幾杯靚茶,已經飽到唔想行喇. 好滿足嘅一餐. 每人雖然要$130,但真係物有所
Post