利苑酒家 (創紀之城五期(apm))

Open Now

Now Closed

正所謂食過返尋味, 師傅早幾日再次光顧呢間食店, 都係去食餐晏飲餐茶, 感覺仍然係正!預早訂定位, 一行五人準時到達, 知客帶位內進! 今次師傅被安排坐得比較入, 發覺呢間食店地方都頗大, 於是乎坐底開茶, 再慢慢柯打點心!由於友人極力推介師傅要試呢度豬肺湯, 於是便向侍應落單, 點知非常之唔好彩, 豬肺湯售罄, 師傅好失望唯有叫另一個雞腳燉響螺湯, 再叫其他點心, 有炸魷魚酥, 蟹粥, 炸兩, 灌湯餃, 蘿蔔絲酥餅, 蝦餃, 蝦腸, 蘿蔔糕, 小籠包, 珍珠雞, 鳳爪, 牛肉同埋煎餃子等等!先講下個雞腳燉響螺湯, 湯底好濃冇味精, 好正; 炸魷魚酥炸得好通好脆, 魷魚本身就好腍, 好正; 蟹粥粥底好綿, 而蟹肉就好鮮好甜, 一d都唔腥, 掂呀; 炸兩油炸鬼好香好脆, 而腸粉就好滑, 得; 灌湯餃湯底好清好甜, 個餃就好大隻, 仲有魚翅添, 份量以灌湯餃黎講真係唔算少, 好正; 蘿蔔絲酥餅一碟三小隻, 蘿蔔絲好嫩好甜, 一d都唔苦, 入面夠汁一d都唔乾身, 而酥餅夠鬆脆, 正呀; 蝦餃依然係皮薄餡靚, 蝦肉好爽口, 好味; 蝦腸蝦肉又係好爽口, 而腸粉好夠滑, 正呀; 蘿蔔糕煎得好香,