利苑酒家 (創紀之城五期(apm))

Open Now

Now Closed

試過很多不同區的利苑，觀塘分店的門口支客算是最差的一家。以一家中上價錢的酒樓，中午食lunch限時65分鐘，明明座位是不滿，但也不讓人入座，真是不明白的安排。點心質素很好，唯服務有待改善。

今日去你們觀唐分店食$5988十二人的套餐！一個字：差野食每一樣都太咸！蔥油雞，龍躉煲，炒飯。全部也是咸！菜啲用味精湯做上湯五千幾蚊，連一條新鮮魚都無！ 飲品又無⋯叫人點樣繼續幫襯？未試過食咁差嘅餐廳

今日一行三人去利苑為朋友慶生，原來二位朋友都未來過。我地點左西洋菜餃子、荷香珍珠雞、蘿蔔絲酥餅、蜂巢芋盒、沙嗲金錢肚、沙薑鳳爪、棗皇糕、糖心皮蛋、脆麻花。本人最愛佢個脆麻花，又脆又香，甜得來又令人回味。第二愛係 沙薑鳳爪，仲好味過以前啲鮑汁雞腳。太好味唔記得咗影相。第三愛係蘿蔔絲酥餅，食完先唔記得冇影相。當然仲有最愛嘅棗皇糕。今次冇叫佢個蛋白杏仁茶，呢個都好精彩。最後每個都食得好開心。真係要支持吓呢一間店。佢個沙嗲金錢肚有啲辣，如果唔食得辣嘅朋友就真係要小心。但係惹味嘅。

本身好鍾意嚟利苑飲茶，因為佢哋幾間分店嘅服務員態度都非常好，而且佢哋嘅座位係好舒服啦，環境會令到你好舒服咁樣喺度嘆茶～今晚我就同兩個朋友去咗食晚餐～炸子雞，調味啱啱好，唔會過分鹹，外皮鬆脆，入口肉質仲係嫩滑～金蠔，份量十足好大隻呀，調味香濃好配合金蠔，呢個必點推介！花甲，呢一碟我覺得份量比較少，可能係因為海鮮嘅關係，但係花甲嘅質素非常好，粒粒脹卜卜，好鮮甜好好味～豉油王炒麵，火候啱啱好，如果可以再加多少少芽菜就更加好～

今晚老公朋友請食飯， 我們四大兩细一行六人晚上7時許到觀塘APM利苑酒家吃晚飯!本想今天是星期六，晚市應該會旺場，但行到入酒樓，晚市客人不多，疏疏落落，可能又因為好多港人北上，再加上利苑也是一間中上食府，所以晚市情況也一般!但對於我們這班願意撐港消費的食客來說，也是好事! 服務週到啲，環境寧靜啲，坐得舒服啲! 我們當晚叫了幾個餸， 有北京片皮鴨二食 (炒鴨子鬆包生菜)， 双冬炆海星斑，鳳梨咕嚕肉，薑蔥焗粉絲海蝦煲，啫啫唐生菜，原盅燉湯。 **燉湯又香又濃：佛手瓜燉豬展，原汁原味，飲落口好暖心! **即燒片皮鴨：肉鮮皮脆，餅皮很薄，但份量略為少一點；而青瓜條和京蔥扎都係得6舊，好矜貴!**炒鴨子鬆包生菜：鴨子鬆連馬蹄粒和秘製醬料一齊炒，可口惹味，用來包生菜一流!**双冬燘海星班，用苦瓜來燘，味道不錯，苦瓜又燘得好入味，而且有好多件斑腩!**薑蔥焗粉絲海蝦煲：粉絲和海蝦的份量較少，但薑蔥味道OK!**啫啫唐生菜：煮出來熱辣辣香噴噴，非常惹味，但份量也是偏少!**鳳梨咕嚕肉：味道一般，而且咕嚕肉肉質比較鞋口，唔鬆軟，略為遜色!食完正餐，當然要食甜品啦! 我們點了：擂沙湯圓，蛋白杏仁茶，金

星期六12點諗住飲茶，去到服務員話限時60分鐘。香港租金貴，加上位於商場入面，要限時都可以理解，但得60分鐘？飲茶喎？你以為係壽司郎坐低即刻可以食咩？你要限時起碼都90分鐘啦？根本同飲茶文化違背，以後都唔會去。

一入到利苑，香氣撲鼻，食物賣相都幾吸引，頭先叫咗幾樣小食同四個餸，重有煎面同香芋臘味粒炒飯，無得食到簽名嘅乳豬同片皮鴨真係少少失望，但食物出爐速度快，唔洗等太耐。五香牛展片真係好得福啊！入口即溶，香而唔膩，惹味到喊。乳鴿另一驚喜👍，皮脆肉嫩，食一啖，滿口肉汁，做得好有水準😋。其他餸菜保持水準，雖然唔係啲貴價食材，感覺卻是家常味滿分。煎面啱啱好，唔會太硬或太腍， 十足嘅彈牙手感。而香芋臘味粒炒飯每一啖都食到料，飯粒分明，真係令人忍唔住多夾幾筷😁。總體黎講，利苑食物都幾有格調，絕對會令你食得開心又滿足。下次再嚟，記得一定要早啲訂位，咪至丟咗食乳豬同片皮鴨嘅機會啦！🍴🍚🎉

觀塘apm店入座安排稍早職員已預留位子11:30入座，唯另一同事在沒有查實資料的情況下質疑本人並冇可能已留資料預約，其原因為「你？咁早你？有可能已經訂枱？」當已有數名人士比本人早入座，如果「時間太早」便不可能已預約，為可當時其他人士可以比本人更早預約，實不明其言！其後本人欲提供留座資訊，佢亦表現不相信的語氣，另一職員查看後便找到本人的訂座資料。問：如店內職員一眼看客人外觀便知有否訂枱，十分佩服此職員之特長，望多多培訓及表揚！

因為想食羊，去了利苑，知道烹調一定ok，因未必是季節，換了中式牛柳，服務員親自上前剪，味道很好，配粉絲蟹煲，一直保持水準，沒有一次失望，會繼續光顧，將來可再多不同菜式

試過中環cwb其他鋪食物方面都是這間最好，不過服務態度不一要扣分，有的侍應很好，有的就很差是這𥚃特式，可能黎慣舊的會醒水，但總有一班又懶扮聽唔到的管理層應多派「顧客」測試員工態度，炒飯無可挑剔，雪頂餐單一絕，小心別因服務在good List被人除名

自從疫情後都冇嚟過同兩個為食仔食飯話食利苑大家都舉腳贊成我哋嗌咗餐不過之前嗌咗兩個小食嗰個鴨舌嘅味道好正👍🏻雖然我唔食鴨舌，但係佢個底嘅豆腐我試左😋 yummy 仲有歌夫都唔錯第一度上嘅呢度出名嘅疑似燒腩仔佢比燒腩仔個皮更脆，肉更嫩為食仔一號話冇分別我同為食仔2號就覺得好食啲😂跟住個蟹黃翅又係冇得頂好濃郁👍🏻同埋杰杰地食完都有啲飽飽地😂然後就到鮑魚，鵝掌，一般飲宴質素跟住上嘅大蝦係全個餐最好食嘅後尾我哋發現係用干邑煎，唔怪得之咁好食古法蒸斑塊球，首先唔係球為食仔二號話蒸過爐，啲肉唔嫩我就覺得還可以仲有個菜都好Flash嘅係臨尾嗰個飯有啲hea仲有糖水，我哋三個都轉晒紫米露原來我哋三個都比較唔鍾意食坦白杏仁茶😂總括嚟講，係個大蝦最吸引唔知有冇得散嗌😂😂同埋唔知係咪之前有人投訴話佢趕客我哋發現我哋食到10點幾先發現周圍啲人都冇晒都唔出聲，仲默默地幫我哋斟茶😂

今日與朋友6人於中午12:00於APM店進餐，入座時雖然有表示約1點要交枱，但由於我們中途有再加單，大約12:50時已有服務員催促埋單，但當時我們已表示有食物仍未到，服務員仍堅持我們需先埋單，我們亦說明必須吃完我的食物才會離去。及後一位知客走過來說：我而家比多10分鐘你哋食…，他指令式的差劣態度即時令我的朋友們感到極度侮辱及不愉快，我們亦在表明食物遲了送到，我們必須享用完我們的食物才會離開，我們並沒有刻意拖延用餐時間，但亦不可能接受被催促情況下要狼吞虎嚥，這只消費者合理的要求，之後再有一位經理走過來，用更差劣的態度再說一次：我只會比多10分鐘你哋食咖咋下…，我朋友即時斥責他如此待客態度如何從事服務行業。這是我經歷過最差劣的食店服務員態度，其實很多年前我亦有經常光顧旺角本店，估不到利苑發展到今天的規模反而淪落到如此不堪的水準，物先腐而後蟲生，一個品牌需要經過多年的努力去建立，希望利苑認真培訓前線服務員應有的待客態度，後台努力成功於食物質量，卻敗於前台輕視服務質素，相信無論食肆管理層及光顧的顧客都不希望見到。

今天和友人到利苑酒家午飯， 利苑算得上是一間高級食府，點心的質素自然不低。原隻鮮蝦餃， 大大隻、蝦又夠新鮮，貴都是值得的。XO醬炒腸秎， 炒得非常香口又不油膩，珊瑚海蜇頭， 要試過才知道，原來珊瑚海蜇頭是這樣的 ，吃到口中有些醋酸味，十分開胃又爽口。黃金豆腐粒， 這是每次光顧利苑酒家必吃的，正！椒鹽雞軟骨， 炸得香口，數量不少，吃極都有。焦煻排骨， 酒家選用一些半肥瘦的排骨，喜歡吃肥肉的，可考慮試試。蜜汁义燒， 高水準之作，必吃！其餘吃過的有 雪菜紅肉絲坟鴛鴦米、白灼菜心和鮑汁鳳爪， 均覺得普普通通。

今晚7:00約左客戶 觀塘Apm傾單 收工時間人山人海 餐廳基本滿座 于是來到位于Apm五樓 利苑酒家 因印象中這間灣仔區分店 用餐體驗幾好， 來到觀塘利苑都來試下 不用等位 點了兩位套餐 接下來談工作 上菜食飽 9:00 由於仲有少少手尾未完成，專注工作時 經理拿單 讓埋單 比＄ 我問可以坐到幾點 答：10:00 完成埋單后 繼續工作， 9:18 9:35 9:50 9:55 分別有几位不同服務員催話10:00收 我也是醉了 讓客人清靜下好嗎？ 我知道你們10:00收工 問題是 這樣三番五次的催促 趕客 真的好嗎？這就是 利苑 觀塘分店既文化？ 管理真的好重要 若果在場10個服務員加經理 你們每個人同我講一次既話，還要不要吃飯啦？ 知你們趕收工 唔想加班 我9:57分離開 沒有不對吧，若不是工作需要 我不回家喜歡留在你們餐廳嗎？ 見到其它枱客 也無奈的表情 但照要食飽不會理你們的催促，萬一出聲 對大家都唔好 最後只想說：別讓某一間店 毀了一個集團的招牌 港島區 尖沙咀 都有去過 從沒遇過這情況

星期日晚apm 都多人，想坐下又慢慢食餐飯，見利苑冇人排隊就試下啦 (食過尖東分店 點心幾好）❇️鳳梨咕嚕肉雖然咕嚕肉似係一片片，但係每塊都吃得出有炸至脆脆的，好似偏酸❇️粉絲海蝦煲幾香，都有5-6隻蝦，粉絲又係幾正❇️金銀蛋白菜仔通常我點了濃味主菜。就會叫一個淡味有湯的金銀蛋蔬菜， 菜份量好多，而且菜都算新鮮唔係爛貨💟可能因為客少， 每台附近都有侍應，隨時可以叫到人點餐，而且樓面姐姐態度很好，又主動幫忙換碟