Video
Read full review
2008-09-06
21 views
事隔唔夠十日, 師傅再次黎到呢間食店, 皆因師傅覺得好好味, 於是決定安歌, 所以一早揀定良晨吉日, 帶齊人馬, 決定再黎喪食一番!準時去到, 唔使等就有位; 一坐底四個人就即刻睇下有咩好食, 商量一輪後, 最後就柯打左兩份花旗蔘燉響螺湯, 兩份花膠菜膽燉北菇湯, 四份太彫玻璃蝦球, 三蝦通菜煲, 艷影紗窗, 爺爺栗子燴雞, 皇室牛柳, 迷你桶仔飯, 脆脆BB 豬同埋雀籠點心!先講下兩個湯先花旗蔘燉響螺湯, 味道非常清甜, 花旗蔘味道唔會過濃, 冇味精, 而響螺煲得非常腍, 好好味; 而花膠菜膽燉北菇湯味道好清, 加上花膠同花菇好腍, 真係好正, 幾好; 太彫玻璃蝦球嘅蒸蛋真係好滑加上花雕香醇, 唔錯, 而個蝦球幾大隻, 肉質爽口, 勁好咬口, 一流; 三蝦通菜煲係由蝦醬, 蝦肝同埋一樣唔知蝦咩(唔記得左)組合而成, 通菜非常嫩綠, 而三蝦味道非常惹味, 不過又唔會過濃唔咸, 唔錯!艷影紗窗係由竹笙捲住d齋菜, 竹笙爽口, 而味道清淡, 真係唔錯; 爺爺栗子燴雞起初師傅以為係就咁一個栗子燴雞, 完全唔知咩叫做爺爺, 出左黎先知原來爺爺等如椰子同椰汁, 椰汁非常香滑, 撈飯真係一流, 而
準時去到, 唔使等就有位; 一坐底四個人就即刻睇下有咩好食, 商量一輪後, 最後就柯打左兩份花旗蔘燉響螺湯, 兩份花膠菜膽燉北菇湯, 四份太彫玻璃蝦球, 三蝦通菜煲, 艷影紗窗, 爺爺栗子燴雞, 皇室牛柳, 迷你桶仔飯, 脆脆BB 豬同埋雀籠點心!
先講下兩個湯先花旗蔘燉響螺湯, 味道非常清甜, 花旗蔘味道唔會過濃, 冇味精, 而響螺煲得非常腍, 好好味; 而花膠菜膽燉北菇湯味道好清, 加上花膠同花菇好腍, 真係好正, 幾好; 太彫玻璃蝦球嘅蒸蛋真係好滑加上花雕香醇, 唔錯, 而個蝦球幾大隻, 肉質爽口, 勁好咬口, 一流; 三蝦通菜煲係由蝦醬, 蝦肝同埋一樣唔知蝦咩(唔記得左)組合而成, 通菜非常嫩綠, 而三蝦味道非常惹味, 不過又唔會過濃唔咸, 唔錯!
艷影紗窗係由竹笙捲住d齋菜, 竹笙爽口, 而味道清淡, 真係唔錯; 爺爺栗子燴雞起初師傅以為係就咁一個栗子燴雞, 完全唔知咩叫做爺爺, 出左黎先知原來爺爺等如椰子同椰汁, 椰汁非常香滑, 撈飯真係一流, 而雞竟然係雞脾肉, 嫩滑無比加上冇骨, 直頭冇得頂; 皇室牛柳即係煎牛扒, 牛扒夠薄肉質夠鬆夠腍, 煎得唔錯, 好味!
迷你桶仔飯亦即係荷葉飯, 不過就冇左荷葉嘅香味, 但係飯就好乾身爽口, 真係整得唔錯架; 脆脆BB 豬燒得幾香脆, 而肉地唔好肥唔油膩, 一碟四件, 份量啱啱好, 掂喎; 最後有雀籠點心, 雀籠點心淨係個賣相已經夠得意, 而點心就有蝦餃, 春捲, 粉果, 燒賣, 燕窩蛋撻同埋砵仔糕, 坦白講點心質素唔差, 但亦唔算太突出, 不過晚膳中有點心吃, 師傅都係第一次, 感覺新鮮, 唔錯!
總括黎講食物質素不俗, 環境舒服, 服務都殷勤有禮, 都依然係人手較少, 價錢唔算平架, 埋單一千元多少少啦, 每人三百蚊唔使, 而個個人都食到捧住個肚, 都算抵食; 難得一家人開開心心食餐飯, 縱使係貴少少, 師傅都覺得物有所值, 食完後師傅都依然回味無窮, 有機會一定會再黎, 而笑臉真係走唔甩!
Post
