相馬日式火鍋 荔枝角

Open Now

Now Closed

去工廠大廈食飯，雖然唔似得大商場咁五光十色，但工廠大廈相對租平，用較平價錢食到好嘢的機會相對較大。今晚呢間火鍋放題就係一個好例子。澳洲和牛火鍋放題 $388一開始其實有啲掙扎應唔應該選擇最貴套餐。好彩最後都無做錯決定。牛肉真係好新鮮，呈血紅色，並唔係好似其他火鍋放題店咁樣，去到客人面前仲係結冰狀態，雪藏至變成瘀血色。而且油脂同肉比例剛剛好，加上切得好薄，水滾淥十秒剛剛好食得。油香、肉味，皆出色。除咗牛肉其餘火鍋配料都好相當OK, 尤其係蔬菜，種類多，而且非常新鮮。餐廳環境寬闊，冷氣夠。幾時嚟打邊爐都係好選擇。