Video
Read full review
2019-06-30
145 views
今日係同男朋友仔嘅第四十五個月，梗係要搵間餐廳慶一慶祝下。上網搵下就見到呢間西餐廳，睇落幾有feel，就決定試下佢。我地7點半到左，個場都好爆下，好彩仲有張二人枱。個場一眼睇晒，仲有兩個房，可以搞私人party都得。睇左下個餐牌，我地揀左兩個晚餐set。坐一坐好快啲餐包就上先，好熱辣辣，仲有牛油或者blueberry jam配埋，好正。之後就到南瓜濃湯上枱，食得出好足料，因為個湯完全唔水，飲完都飽左一半，好飲。之後餐牌有兩款沙律，我地各要左一個試下，巴馬火腿凱薩沙律上枱先，個沙律已經撈好左沙律醬，配埋parma ham食好fresh。另一個沙律係紅鯛魚田園沙律，個醬係青檸蜜糖油醋汁，好開胃嘅醬配埋煎左嘅魚，好好食。主菜我地分別揀左大啡菇帶子虎蝦意大利飯同牛肝菌松露意大利餛飩。個意大利飯上枱我地wa左一聲，個擺碟好靚，而啲飯放左係個大啡菇上面，望到都好有食慾。全部野都好啱味，份量都唔會太多太少，而虎蝦同帶子煎得啱啱好，值得推薦。另一個餛飩呢就好夠份量，可能有成十幾隻，每隻都好足料，配埋個忌廉汁好易入口，食完一隻又一隻。最後因爲太飽就無叫到甜品喇，個餐就包一杯餐飲，想試特飲可以再加錢，我地
我地7點半到左，個場都好爆下，好彩仲有張二人枱。個場一眼睇晒，仲有兩個房，可以搞私人party都得。睇左下個餐牌，我地揀左兩個晚餐set。坐一坐好快啲餐包就上先，好熱辣辣，仲有牛油或者blueberry jam配埋，好正。之後就到南瓜濃湯上枱，食得出好足料，因為個湯完全唔水，飲完都飽左一半，好飲。之後餐牌有兩款沙律，我地各要左一個試下，巴馬火腿凱薩沙律上枱先，個沙律已經撈好左沙律醬，配埋parma ham食好fresh。另一個沙律係紅鯛魚田園沙律，個醬係青檸蜜糖油醋汁，好開胃嘅醬配埋煎左嘅魚，好好食。
主菜我地分別揀左大啡菇帶子虎蝦意大利飯同牛肝菌松露意大利餛飩。個意大利飯上枱我地wa左一聲，個擺碟好靚，而啲飯放左係個大啡菇上面，望到都好有食慾。全部野都好啱味，份量都唔會太多太少，而虎蝦同帶子煎得啱啱好，值得推薦。另一個餛飩呢就好夠份量，可能有成十幾隻，每隻都好足料，配埋個忌廉汁好易入口，食完一隻又一隻。
最後因爲太飽就無叫到甜品喇，個餐就包一杯餐飲，想試特飲可以再加錢，我地就叫左凍檸茶做我地慶祝晚餐嘅結尾。最後埋單一個人二百幾蚊，我覺得包到咁多野，份量又好足，野食又唔錯嚟講，真係物有所值，有機會可以一試！
Post
