滿福樓 (Closed)

是日做孝順女，陪爸媽飲茶，懶得等位，索性去可以訂位酒店內的酒樓。蜜汁叉燒-再睇食評後，才知這裡的叉燒是很出名的。顏色鮮艷潤澤、蜜味濃郁亦帶點玫瑰露的酒香、肥瘦均勻，厚切的梅頭肉鬆軟亦富有彈性，還附上一碗蜜汁給客人添加，我已一件接一件不停的食。$120一碟，當吃過後就覺得絕對有所值。除了燒味外，以前食過煲仔飯都幾有水準，今次也是要了鹹魚雞粒煲仔飯，4個人要了2人份量，很大煲份量很多，起碼有7、8碗。有淡淡的鹹魚霉香、又有冬菇香味、飯粒分明夠，最開心是有不少香脆的飯焦。鹵水豬腳仔-炆得入味又夠腍，皮肉夠滑又爽口。雞絲粉皮-粉皮切得大細不一，唔夠爽滑，雞絲又少，麻醬又唔夠香。點心只有叉燒包及燒賣，只是一般貨式。其實以酒樓來講，價錢一點也不平，食物及服務又有水準，而且恆生咭仲有9折。