意粉屋 (Closed)

意粉屋一向比我既感覺都唔錯，所以下午時間就去咗呢度食 Afternoon Tea。下午茶餐牌都有 12 款食物，選擇都幾多，叫左海鮮龍蝦湯天使麵配酥皮周打海鮮湯同 Cappuccino。海鮮龍蝦湯天使麵 : 實物同相無分別，有兩隻青口、兩隻大蝦、魷魚、蕃茄仔、蘑菇。龍蝦湯湯底依舊做得出色，大蝦亦爽口，唯獨是麵條雖然煙韌，但無法吸收湯汁精華失色了少少。酥皮周打海鮮湯 : 每次都會轉酥皮湯，脆卜卜既酥皮吸收了香濃既海鮮湯，而且材料有蝦肉、蜆肉、帶子等，實在令人難以抗拒。Cappuccino : 咖啡味濃，雖然不及咖啡專門店，但味道也不差。