燉 (協成行灣仔中心) (Closed)

2020年9月7日今日專誠過黎＂燉＂灣仔分店買外賣返屋企食，今次買左兩個客飯丶一款湯丶一款人氣推薦。包括：原隻花膠燘冬菇(約八頭)丶紅酒燴牛腩飯丶三重奏咖哩薯仔雞球飯丶花膠螺頭燉雞湯。外賣乾淨企理，雖然係外賣，但係都無影響食物質素，依然係咁好味。燉湯係燉足四個鐘，而且材料足丶無味精，非常健康。紅酒燴牛腩就好似羅宋湯咁，有紅蘿蔔丶牛腩粒，牛腩好淋，唔韌，同埋好入味。花膠好大隻，好抵食，好入味。冬菇亦都好大隻丶好厚。咖哩薯仔雞球好足料，咖哩唔辣，適合唔得辣的人。全部野食都好滿意，價錢平，質素高，絕對物超所值！在收銀位置見到有五款新產品，包括：魚香茄子飯丶上湯紅燒燴獅子頭飯丶紅酒慢煮牛尾飯丶金栗紅燒豬腩仔飯丶煎蛋/窩蛋免治燉牛肉飯。