Video
2011-06-08
34 views
之前幫襯 <港土茶記> ，覺得最有趣地方莫過於裝修方面，至於，食物味道及質素只屬一般！上次，我俾笑臉全因係裝修方面，如果，純粹為食物評分，我都會俾 OK ! 呢度除咗破格裝修之外，仲帶點懷舊，有舊式風扇及街市見到嘅照雞蛋燈。由 6 月1日開始，供應早餐；令我十分期待！ 早餐由 $14 ~ $38 不等。簡單一件三文治 / 麵包，或通粉餐.... 豐儉由人。早餐時段，好少食客，獨佔一張卡位枱都不足為奇！依上枱次序：椰絲忌廉包 $18 ( 包咖啡 / 茶 )起初，我以為係一個長形包，豈料係一個好似菠蘿包嘅圓形包。椰絲份量不少！灑滿整個包面。據知係自家製麵包，無添加、無臭粉...等元素；可惜，包質密度高，未及預期鬆軟，包身係凍冰冰！感到失望！ 忌廉實質係奶油，軟軟滑滑！ 略帶微甜，似乎少咗啲。令我想美味棒嘅奶油！ 一蛋走天涯 ( 糖心蛋 ) 配多士 $ 14店員通知我，要等上 7 分鐘。食完椰絲忌廉包，剛剛送上。 可選：糖心蛋 / 炒蛋 / 太陽蛋 / 煎蛋。賣相真是不錯！以新鮮番茄、生菜、青瓜作伴碟；番茄又大又紅，新鮮多汁！ 青瓜切成薄片，尚有青脆口感！ 生菜更是脆卜卜！
呢度除咗破格裝修之外，仲帶點懷舊，有舊式風扇及街市見到嘅照雞蛋燈。
由 6 月1日開始，供應早餐；令我十分期待！早餐由 $14 ~ $38 不等。簡單一件三文治 / 麵包，或通粉餐.... 豐儉由人。
早餐時段，好少食客，獨佔一張卡位枱都不足為奇！
依上枱次序：椰絲忌廉包 $18 ( 包咖啡 / 茶 )
起初，我以為係一個長形包，豈料係一個好似菠蘿包嘅圓形包。椰絲份量不少！灑滿整個包面。據知係自家製麵包，無添加、無臭粉...等元素；可惜，包質密度高，未及預期鬆軟，包身係凍冰冰！感到失望！ 忌廉實質係奶油，軟軟滑滑！ 略帶微甜，似乎少咗啲。令我想美味棒嘅奶油！
一蛋走天涯 ( 糖心蛋 ) 配多士 $ 14店員通知我，要等上 7 分鐘。食完椰絲忌廉包，剛剛送上。 可選：糖心蛋 / 炒蛋 / 太陽蛋 / 煎蛋。
賣相真是不錯！以新鮮番茄、生菜、青瓜作伴碟；番茄又大又紅，新鮮多汁！ 青瓜切成薄片，尚有青脆口感！ 生菜更是脆卜卜！十分鮮嫩！
本身呢個餐係配上多士，可選擇方包 / 麥包。我認為方包烘多士會較為適合！因此，揀咗方包。師傅已將牛油厚厚地搽上多士，食得滋味！做出糖心蛋要掌握水溫及時間，蛋白好滑！尚有餘溫，蛋黃心有些少流沙感。 見幾特色，一於推介！
熱好立克肯定落漏單，遲遲仲未送上，於是催促店員。大約 2~ 3 分鐘後送上。隨即店員說唔好意思！
攪一攪，飲一啖；水夠熱，淡奶夠多，算滑溜，比較奶茶還好，收貨！
所以，今次我只為食物評分，只可俾 OK ! 皆因早餐質素未見突出！係咁食咗 $32 ，實在物非所值！
View previous comments ()
Post
