Video
Read full review
2011-12-20
270 views
17/12我哋一行五大一B去呢間13號先開張嘅酒樓食飯. 可能做冬關係, 又可能人人都好似我哋咁貪新鮮試新嘢, 當晚要BOOK咗先有位, WALK-IN嘅SORRY喇. 好在朝早BOOK咗位啫.18:30去到, 枱上得兩張單張, 只可ORDER套餐或指定小菜, OK都明白嘅, 做冬嘛! 小菜嘅價錢都幾貴, 全部都接近一百或OVER一百蚊一碟, 都無問題, 出得嚟食預咗比較貴, 但收得呢個價錢, 正常碟頭都應該起碼有出面例牌SIZE呱. 點知一上菜, 真係O曬咀, 真係呢....... 紅燒乳鴿--佢都無話係BB鴿, 紅燒乳鴿喎, SIZE係咪應該大隻啲呢. 呢兩隻嘢要成百幾蚊. 味道唔得, 乳鴿係咸嘛, 呢啲竟然係甜嘅, 難食! 燒鵝半隻--呢個似樣, 因話明係半隻, 燒鵝理論上都唔會細得去邊. 味道唔錯, 皮脆肉嫩. 最滿意呢個. 海味什菜煲--味道麻麻, 少料, 唔值! 上湯焗蝦球伊麵--好咸, 份量極少, 佢隻碟好淺, 少過出面碟頭飯SIZE, 每人只得一少撮伊麵, 但要收成兩百蚊喎. 西芹雞片花枝--都係果句, 細碟到呢..., 味道尚可.五個小菜, 加一茶芥, 酸菜, 埋
18:30去到, 枱上得兩張單張, 只可ORDER套餐或指定小菜, OK都明白嘅, 做冬嘛! 小菜嘅價錢都幾貴, 全部都接近一百或OVER一百蚊一碟, 都無問題, 出得嚟食預咗比較貴, 但收得呢個價錢, 正常碟頭都應該起碼有出面例牌SIZE呱. 點知一上菜, 真係O曬咀, 真係呢....... 紅燒乳鴿--佢都無話係BB鴿, 紅燒乳鴿喎, SIZE係咪應該大隻啲呢. 呢兩隻嘢要成百幾蚊. 味道唔得, 乳鴿係咸嘛, 呢啲竟然係甜嘅, 難食!
燒鵝半隻--呢個似樣, 因話明係半隻, 燒鵝理論上都唔會細得去邊. 味道唔錯, 皮脆肉嫩. 最滿意呢個.
海味什菜煲--味道麻麻, 少料, 唔值!
上湯焗蝦球伊麵--好咸, 份量極少, 佢隻碟好淺, 少過出面碟頭飯SIZE, 每人只得一少撮伊麵, 但要收成兩百蚊喎.
西芹雞片花枝--都係果句, 細碟到呢..., 味道尚可.
五個小菜, 加一茶芥, 酸菜, 埋單盛惠八百幾蚊.
Other Info. :
明白食材係貴咗, 同埋實行最低工資後, 好多食店都加價, 但係唔使食水咁深吖.
職員尚新, 經常上錯菜, 甚至連單都差點埋錯隔離枱, 理應改善.
該酒樓位處角位, 根本唔就腳, 都係做街坊生意啫. 上手可能因無集團背景啦, 食物質素OK, 價錢又合理都要關門大吉. 呢間雖有集團撐腰, 但係物非所值嘅, 無人咁蠢會再去囉, 起碼我哋圍內朋友間唔會再中伏喇. 反正附近仲有大把選擇.
(The above review is the personal opinion of a user which does not represent OpenRice's point of view.)
Post
