昌發泰國粉麵屋

Open Now

Now Closed

嚟到九龍城，當然要食下泰國野啦。上網search到依間餐廳幾高評價，就入咗去食。今次食咗1)冬薩肉碎清湯河(2)彩虹湯河冬蔭湯河嘅配料有豬肉丸、豬潤、豬肉、少量肉碎，仲有塊脆脆哋嘅野，冬蔭湯底嘅味道啱啱好，唔會太咸，有少少辣。河粉唔會煮到淋哂，軟硬適中，亦都唔會碎哂。彩虹湯河照字面上係完全唔知係咩，嚟到先知係一碗粉紅色湯底，配料有豬紅、魚蛋、魚片、魷魚同豆腐卜，仲有塊脆薄餅。其實我唔太飲到依個湯底係咩味，好似係酸酸哋，不過都幾好味。