坂奈 (Closed)

難得返埋今日就開始放大假，決定約 best friend去銅鑼灣搵嘢食，順便坐低傾計，朋友介紹佢公司附近有一間餐廳專食燒魚，係燒魚嘅專門店，由於香港比較少機會食到，所以決定試一試呢間餐廳面積唔算大，所以搵起上嚟都係要一啲時間，但係入到鋪頭見到佢嘅裝修一啲都唔馬虎，全部都係吧枱形式嘅設計，感覺relax，同埋可以睇到師傅預備食物嘅過程都算係一個享受我哋首先叫咗一 D 小食，煙燻蘿蔔芝士，蘿蔔好爽脆新鮮，原本怕芝士會食到好飽，但估唔到連埋蘿蔔一齊食可以減少芝士嘅漏，係好好嘅開胃小食另外我哋再叫咗炸魷魚送酒，由於係新鮮炸嘅關係，仲可以保持魷魚嘅肉質，而且亦都唔算太油膩，送酒一流酒我選擇咗店員介紹嘅柚子檸檬酒，飲落去有好清新既檸檬同柚子嘅香味，而且酒精濃度唔算高，不錯到主角黎喇，今晚我哋選擇咗店員嘅介紹，食一條燒鯧魚，望住師傅嘅製作過程，由於食材好新鮮，師傅唔需要任何調味料，只係用鹽搽喺條魚身上面燒，條魚雖然唔算好大，但肉質鮮嫩，而且燒完之後，充滿魚油，魚鰭同魚鮫都脆到可以食埋，正