Video
Read full review
2017-01-20
2721 views
呢晚朋友話帶我去間特別D既餐廳食,間餐廳係牛頭角同九龍灣中間既一橦工廠大廈入面,上網望下你就會發現呢度同觀塘工廠區唔同,附近只係得D茶餐廳或者工廠食堂之類,所以呢間餐廳係呢度都算係幾獨特,即係除非你係好想黎呢間食,如果唔係你都唔會無啦啦行十幾分鐘過到黎~平日夜晚六點幾去到,可能仲早,唔係好多人,呢度既裝潢簡簡單單,舊舊地既感覺,亦都擺左好多以前既物件係度~侍應安排左我地坐係一個角落,佢張櫈其實都幾重XDSETTLE好後就睇下餐牌,選擇唔多,除左呢個餐牌之外仲有一個餐牌係SET DINNER,不過無叫果個因為一個SET都成三四百蚊,另外仲有幾個TODAY’S SPECIAL寫左係出面既版度,同朋友商量左陣就叫左幾樣~蟹肉配凍忌廉芝士,檸檬醋蘋果條,牛油果茸---擺得好靚,搬開上面幾塊芝士,入面有好多鮮甜既蟹肉,仲有D松子仁同埋牛油果茸,口感好豐富,醋既酸味亦好開胃~炒魷魚配炸粟米餅,芝麻,芥蘭---青BB咁幾特別,魷魚整得幾淋,好似平時食西班牙菜果D八爪魚既質地,炸粟米餅好香好脆,食落真係啖啖粟米~芥蘭幾爽,同埋佢將D葉炸左,好香口,個香草汁亦都好好味~南瓜茸意粉配64度蛋,真姬菇,燒洋
平日夜晚六點幾去到,可能仲早,唔係好多人,呢度既裝潢簡簡單單,舊舊地既感覺,亦都擺左好多以前既物件係度~侍應安排左我地坐係一個角落,佢張櫈其實都幾重XD
SETTLE好後就睇下餐牌,選擇唔多,除左呢個餐牌之外仲有一個餐牌係SET DINNER,不過無叫果個因為一個SET都成三四百蚊,另外仲有幾個TODAY’S SPECIAL寫左係出面既版度,同朋友商量左陣就叫左幾樣~
蟹肉配凍忌廉芝士,檸檬醋蘋果條,牛油果茸---擺得好靚,搬開上面幾塊芝士,入面有好多鮮甜既蟹肉,仲有D松子仁同埋牛油果茸,口感好豐富,醋既酸味亦好開胃~
炒魷魚配炸粟米餅,芝麻,芥蘭---青BB咁幾特別,魷魚整得幾淋,好似平時食西班牙菜果D八爪魚既質地,炸粟米餅好香好脆,食落真係啖啖粟米~芥蘭幾爽,同埋佢將D葉炸左,好香口,個香草汁亦都好好味~
南瓜茸意粉配64度蛋,真姬菇,燒洋蔥---食落真係啖啖南瓜,意粉又唔會過淋,個汁又夠杰,唔會太咸,我同朋友都幾鍾意~
我地差唔多食完果時大約七點半,開始多番D人,有兩三枱仲係外國人,亦有兩個韓國女仔黎食加添~整體上價格雖然唔平,但食物質數同埋賣相都好好~~不過雖然今晚唔係好多人,但都係同其他係工廠既餐廳有同一個問題,就係太嘈,因為隔離枱傾計D聲音會反黎反去…
Post
