蘇媽.蘇媽馬來西亞美食店 (Closed)

向來對星馬食物有迷戀，因此在黃金買完電腦配件後，見到桂林街這間賣馬來小吃的「蘇媽.蘇媽」，即試吓佢既特色馬拉椰漿飯。25蚊吃個標準Size的算幾多料，有雞、蛋、薯仔、青瓜及乾魚仔。看到其椰漿飯白中帶綠色，應下了不少斑蘭葉去煲，但稍嫌飯椰味不夠，同我係馬拉吃到的有差距。個森巴醬不過不失。平心而論其醬味比較單純，屬香港水平，對馬來食品認識較深的我認為有改善空間。另一方面，在香港街邊找到椰漿飯已算難得，要求也會降低一些。下次經過倒會試吓其老鼠粉，睇吓食唔食到吉隆坡唐人街那種風味。