Video
Read full review
2024-11-19
0 views
約咗朋友放工喺觀塘食飯醫肚，觀塘東廣場上扶手電梯上一樓，一入去第一眼就見到川婆婆好eye catching, 去門面望下，見到佢有豬雜粉就好想試下 。😋招牌豬雜粉 （豬魔王餐$98）叫左個豬雜寬薯粉配胡椒豬骨湯。一上枱大大碗，第一啖一定試試個湯底，掂喎！胡椒味唔係好重，輕輕有個底味，更帶出香濃既豬雜湯鮮甜 。豬雜既份量好足料，有齊各個部位，有d 仲好少食到嘅，包括：豬蝴蝶腩、靚豬肉、豬肚、豬心、豬腰、豬紅、豬腸、豬粉腸同豬潤 。一定要讚既係豬雜整得好好，無異味無腥味，洗得好乾淨，好新鮮，用心制作👍🏻每個部位都好爽脆，又入晒味 。鐘意食豬雜既朋友，呢個必試‼️呢一碗叫麻辣燙（招牌麻辣小辣），兩餸起（$22）叫左兩款牛：牛爽腩，吊龍牛肉，再另加：自家需吞（$12）+風琴豆腐（$8）同芋絲 （$8）俾個tips 大家，叫麻辣燙一定要配索湯嘅麵底先食得過癮，小編就揀左比較特別嘅粉皮！粉皮大大塊， 注意返，係塊唔係條， 口感更豐富，夾落無咁易碎！ 粉皮&風琴豆腐索左啲辣汁超好味！個麻辣湯好香，唔太咸，小編覺得小辣黎講辣度啱啱好，食得舒服，唔食得太辣既朋友，仲可以揀BB 辣添 。牛爽腩真係勁爽脆有咬
約咗朋友放工喺觀塘食飯醫肚，觀塘東廣場上扶手電梯上一樓，一入去第一眼就見到川婆婆好eye catching, 去門面望下，見到佢有豬雜粉就好想試下 。😋招牌豬雜粉 （豬魔王餐$98）
叫左個豬雜寬薯粉配胡椒豬骨湯。一上枱大大碗，第一啖一定試試個湯底，掂喎！胡椒味唔係好重，輕輕有個底味，更帶出香濃既豬雜湯鮮甜 。
豬雜既份量好足料，有齊各個部位，有d 仲好少食到嘅，包括：豬蝴蝶腩、靚豬肉、豬肚、豬心、豬腰、豬紅、豬腸、豬粉腸同豬潤 。一定要讚既係豬雜整得好好，無異味無腥味，洗得好乾淨，好新鮮，用心制作👍🏻每個部位都好爽脆，又入晒味 。鐘意食豬雜既朋友，呢個必試‼️呢一碗叫麻辣燙（招牌麻辣小辣），兩餸起（$22）
叫左兩款牛：牛爽腩，吊龍牛肉，再另加：自家需吞（$12）+風琴豆腐（$8）同芋絲 （$8）
俾個tips 大家，叫麻辣燙一定要配索湯嘅麵底先食得過癮，小編就揀左比較特別嘅粉皮！粉皮大大塊， 注意返，係塊唔係條， 口感更豐富，夾落無咁易碎！ 粉皮&風琴豆腐索左啲辣汁超好味！個麻辣湯好香，唔太咸，小編覺得小辣黎講辣度啱啱好，食得舒服，唔食得太辣既朋友，仲可以揀BB 辣添 。
牛爽腩真係勁爽脆有咬口，好食過潮洲鋪d 牛腩🤣另外吊龍牛肉幼嫩有牛肉味 。😋
環境睇落光猛乾淨，而且坐位闊落，坐得舒服 ，食得舒適 。而且仲有一個大大幅川婆婆裝飾，我覺得好岩打卡到此一遊😂好有特色 。如果你又經過開，入去食碗粉又打個卡啦🤭
📍川婆婆 觀塘成業街7號東廣場1樓109號舖
#hkfoodie #foodiehk #foodie #hkfoodstagram #hkfoodblogger #food #foodstagram #foodblogger #instafoodie #foodporn #香港美食 #香港必食 #香港探店 #香港打卡 #香港旅遊 #香港必喝 #香港好去處 #假日好去處 #搵食好去處 #觀塘搵食 #觀塘美食
Post
