常得館湖南米線

Open Now

Now Closed

米線成日食，食嚟食去都係酸辣麻辣，呢間常德館米線係湖南辣，有泡辣幾特別，而且材料都係產地直送。湖南麻辣牛肉米線 3隻辣椒辣度，朋友食得辣，叫左呢個。佢地個辣係麻偏重，好香，只食到小辣嘅我試左一舊仔，感覺還可以。牛肉肉質結實，牛味重，麻辣有後勁。自製泡椒肥腸米線 好想食肥腸，叫左少辣，但仲有啲擔心辣到米線都食唔到，店員話可說分上，好提議喎。泡辣肥腸好夠味又好食，泡辣比麻辣清爽啲，呢個啱我口味。因為分上，所以米線係清湯底，面頭有啲生蒜蔥花，食到尾加啲泡辣汁落去，成個湯底唔同晒，果然係要加辣汁先正。食辣點少得凍檸茶，加$9有杯。