雲長小龍坎老火鍋 (Closed)

星期日約左朋友食飯，幾個朋友就最適合打邊爐，邊食邊傾計。試左呢間由過江龍火煱店—雲長小龍坎火煱店，原來陳柏宇開嘅。因為我地怕食辣，所以叫左個鴛鴦湯底：蕃茄同埋芫茜湯底，湯底比較喜歡蕃茄味啲，濃郁啲。我地叫左個極品手切肥牛，$328，牛肉質素唔錯。我地叫左個海鮮拼盤，$99一位，有鮑魚、蚌、花甲、海蝦，雖然每樣得一舊，但黎到見到啲鮑仲郁緊，食材新鮮。仲叫左手打蝦丸、手打墨丸同埋手打牛丸，三款丸都幾彈牙。另外叫左自制鮮蝦雲吞，真係食到成粒鮮蝦。仲叫左韮菜餃，包得幾好食。蔬菜叫左皇帝菜。另外，Like facebook page會送甜品，豆沙鍋餅同埋紅糖糍粑，豆沙鍋餅幾好食。