丼家作煮

Open Now

Now Closed

是日到旺角做嘢，午飯時間朗豪坊間間餐廳都排晒隊，唯有到附近搵下有咩食，來到了對面的文華商場，發現呢間特色丼飯餐廳，就一於試下。午餐有"丼"、"家"、"作"及"煮"四個餐可以選擇，豐儉由人，全部都可以一丼多食，餐廳都有介紹各種食法。前菜係黑胡椒蟹柳青瓜絲沙律，黑胡椒帶出微微辣味，食落感覺清新，作為前菜一流。是日刺身係油甘魚，食落新鮮無筋，配上蘿蔔絲及廚師特製嘅麵豉蛋黃醬，唔需要沾豉油已經好好味。作 :有蟹肉、三文魚籽、吞拿魚、鯛魚等等，係丼飯面堆到成座山咁高，賣相相當吸引。話明一丼多食，梗係要試勻咁多種食法，第一食就係自製手卷，紫菜夠晒脆，自己整鍾意多飯又得，多餸亦得，好味又過癮。第二食就係正常丼飯，刺身新鮮鮮甜，份量好多，每一口都食到，個人最喜歡三文魚籽及吞拿魚蓉，加埋餐廳嘅特製醬油，令刺身飯更加美味。最後一食就係湯漬飯，當丼飯食剩約三分之一時，就可以叫店員加鯛魚湯變成湯漬飯，鯛魚湯味道鮮甜，丼飯吸收晒魚湯後，又係另一番風味。