老長沙湘菜館 (Closed)

呢間開係灣仔，樓上係住宅大廈嘅中餐廳，開到好夜都仲有得食平日夜晚九點去到，諗住邊度有得食就食，參考佢啲廚師推介同埋海報宣傳嘅食物相片，求其點幾嗰餸菜，都幾好食。手拍青瓜 點菜嘅時候都驚嘢食好辣，所以專登要求小辣微辣，全部辣到恰到好處，最多都只係有少少麻，可以接受。青瓜都好爽脆。小炒王牛肉 我鍾意呢隻食物碟，唔係茶餐廳食到嘅炒牛肉味道，影落睇落都好似好油膩咁，不過食落又唔會感覺成口油，啲牛肉都唔係好老。糯米蒸排骨 糯米飯包住一嚿嚿排骨，好特別，以為好似糯米雞咁，但係原來似食糭嘅糯米多啲，排骨蒸得好軟熟，大大件份量十足。最後一個小菜係呢個香辣魚皮，本身以為係炸魚皮就唔叫了，因為驚煎炸嘢熱氣，原來唔係打邊爐嗰啲，咁一於叫嚟試吓咁多碟之中，我最鍾意呢碟，啲魚皮捲埋一嚿嚿，食落爽爽口感好得意！果然係必食之選最後兩個人都食唔晒所有嘢餐廳位置都幾寬敞鬆動，仲有包廂，唔會太嘈，感覺好好朋友問我知唔知咩係湘菜，其實我本身都唔知，原來係中國八大菜系之一。唔使返內地都有得食湘菜，仲可以要求走辣，真好