日喜樓 (Closed)

早排見到d social media比呢間招牌百碟宴洗版搞到都好想去試下但一直搵唔到咁多人今次咁岩放工行過 先試下小菜水準如何再決定會唔會食佢既百碟宴一落到地庫已經覺得裝修好舒服一黎樓底夠高 二黎座位間距離唔會好近食完飯都仲可以慢慢坐低傾下計我哋叫咗孜然羊肉同一個上湯豆苗主菜方面叫嗰個四川擔擔麵味道都好出色而且份量都夠多但係內地食既味道都相似呢度最特別佢係有中西式fusion既cocktails 我哋揀咗射手座同埋雙子座分別都係我哋嘅星座射手座飲落去似香檳 帶啲果味酸酸甜甜幾易入口而雙子座就係咖啡味重 鍾意飲咖啡嘅人一定會鍾意而且而家仲做緊買一送一超抵