古今二 (荃灣千色匯I) (Closed)

古今二主打創意卷物，卷物皆以可愛名稱命名。 食過兩次都好滿意，價錢經濟，樣樣都咁好食。富士山 $88特別的名字，原來由厚厚的蟹柳、蟹籽同脆片堆砌成山狀，山底以細細粒壽司砌成，餡料包括牛油果及鰻魚，的確幾特別。蜘蛛 $85蟹腳如蜘蛛般從壽司爬出，餡料有青瓜、牛油果、蟹柳、軟殼蟹，每啖都食到蟹肉都好足料。 黑豚荔枝卷串燒 $38黑豚肉荔枝串燒看似普通，食落有荔枝汁的清甜加豚肉香溶入嘴內，十分好味。 茄子燒 $35開邊茄子淋上櫻花蝦秘製醬料，甜甜地又好惹味，每啖茄子都充滿醬汁。 日本温室南瓜沙律 $55沙律面鋪滿杏仁片，伴有小蕃茄及蟹籽，起初以為係南瓜打成蓉，食落先知原來南瓜肉連皮，咬落軟硬適中，令沙律更有口。 整體服務很好，店員主動添茶，食完可以慢慢坐傾下計，值得再次光顧。