Video
Read full review
2015-05-02
591 views
第三次去九龍城打邊爐，之前兩次嘅餐廳食物質素OK但係冇乜特別，今次揀厚福館，貪佢湯底特別，兼有生蠔，所以試下。打邊爐有卡位坐，坐得好舒服，仲有電視可以睇下劇。湯底揀左「秘製醒胃酸菜河鮮鍋」，酸酸地，好開胃，飲左碗湯先開始打邊爐。法國生蠔食得多，好少食南非生蠔，好滑，有海水味又唔太咸。小食好有驚喜，最正係「香炸棉花魚蛋 」，係貴，$68得8粒，不過一入口真係好彈牙，比一般魚蛋好食好多，如果平d就好喇！「秘製香炸松露餃」都係$68，一入口即刻食到黑松露嘅香味！脆卜卜但係一d都唔油，鍾意黑松露嘅人必試！叫左條斑打邊爐，灼一陣就食得，入口超滑溜！無骨，好正！唔少得嘅仲有雪花肥牛同牛肉粒，見到佢地嘅油花就知有幾好味！夠新鮮！「必食蠔仔牛肉餃」好特別，有隻蠔仔喺入面，隻餃好滑好香口。「手打墨魚丸」入面有芝士，唔同平時嘅芝士丸芝士，好軟滑，似cream cheese，好好味！「厚褔響鈴卷 」係即炸，同街市一盒裝嘅響鈴唔同，多好多層，熱熱地，熱氣但係好食！全晚飲左一罐可樂，忍住無再叫多罐，驚太肥，改叫普洱。估唔到個茶壺咁靚咁精美！依餐唔平，但好多特色創意食品，味道都好好，環境又舒適，食得過！
第三次去九龍城打邊爐，之前兩次嘅餐廳食物質素OK但係冇乜特別，今次揀厚福館，貪佢湯底特別，兼有生蠔，所以試下。
打邊爐有卡位坐，坐得好舒服，仲有電視可以睇下劇。
湯底揀左「秘製醒胃酸菜河鮮鍋」，酸酸地，好開胃，飲左碗湯先開始打邊爐。
法國生蠔食得多，好少食南非生蠔，好滑，有海水味又唔太咸。
小食好有驚喜，最正係「香炸棉花魚蛋 」，係貴，$68得8粒，不過一入口真係好彈牙，比一般魚蛋好食好多，如果平d就好喇！
「秘製香炸松露餃」都係$68，一入口即刻食到黑松露嘅香味！脆卜卜但係一d都唔油，鍾意黑松露嘅人必試！
叫左條斑打邊爐，灼一陣就食得，入口超滑溜！無骨，好正！
唔少得嘅仲有雪花肥牛同牛肉粒，見到佢地嘅油花就知有幾好味！夠新鮮！
「必食蠔仔牛肉餃」好特別，有隻蠔仔喺入面，隻餃好滑好香口。
「手打墨魚丸」入面有芝士，唔同平時嘅芝士丸芝士，好軟滑，似cream cheese，好好味！
「厚褔響鈴卷 」係即炸，同街市一盒裝嘅響鈴唔同，多好多層，熱熱地，熱氣但係好食！
全晚飲左一罐可樂，忍住無再叫多罐，驚太肥，改叫普洱。估唔到個茶壺咁靚咁精美！
依餐唔平，但好多特色創意食品，味道都好好，環境又舒適，食得過！
Post
