古今二 (荃灣千色匯I) (Closed)

母親節當日，陪媽咪去千色滙行街順便食lunch。可能過左午市繁忙時間，唔駛排隊就有枱。今次叫左三文魚壽司，腐皮壽司，北寄貝同火灸左口魚裙邊壽司。卷物就叫左小朋友至愛既三文魚卷同古今二出名既特色卷物～青龍卷。牛油果鋪面配上壽司飯入面包住鰻魚，清新唔會膩，好味道。熱食點左日式叉燒雞湯鍋烏冬，雞湯鮮甜，烏冬亦用上日本烏冬所以好有彈性，除此外，分量亦十分多，我地3個人都食到好飽。下次可以再試多幾款特色卷物，應該唔會令人失望。