古今二 (觀塘工業中心)

Open Now

Now Closed

同舊同事食飯，大家搵個中間點決定係觀塘食，我就介紹呢一間食卷物既日本餐廳，好耐之前食過幾好食。Book咗八點半，朋友們都準時到，我就遲咗小小，到咗既時候佢哋仲係門口等緊，等多咗幾分鐘先入得去。叫咗其中一個招牌手卷，富士山($85)，好好食，雖然份量唔大，不過味道取勝，入面既鰻魚味好重。壽司薄餅($85)，餅底係一塊米榚嚟，食落去都幾得意個口感。沙律～蝦天婦羅，正常，粉有啲太多。泡菜炒飯，份量都唔細，三個人食都有剩，泡菜味好濃，辣辣地幾好食。最尾仲送咗每人一條雪條俾我地！佢地既卷物選擇真係好多，樣樣都想食，下次想再嚟食多幾款。