古今二 (荃灣千色匯I) (Closed)

之前都聽過呢間創意壽司店, 今日同朋友2個人黎食餐牌既卷物名都幾特別, 係出面既壽司店食唔到既菜式, 當然仲有其他炸物, 沙律等野食我地叫左2個卷物, 1個係金龍卷, 另一個就係蜘蛛首先金龍卷其實係三文魚炸蝦芝士卷, 三文魚放係上面, 好新鮮, 配搭埋炸蝦同芝士, 口感好有層次, 而且味道上面都好夾, 而且一碟有八件, 黎到個陣真係放到成條龍咁之後就係蜘蛛, 其實即係炸軟殼蟹卷, 炸軟殼蟹既外皮酥脆鬆化, 入面唔會太乾, 仲有少少汁, 雖然係炸物 ,但又唔會過於油膩 , 炸得幾好, 而且有2件仲係長長既蟹腳, 幾有特式, 真係好似蜘蛛既腳咁另外我地仲叫左個龍捲風沙律, 一黎到真係嚇親, 好大兜, 雖然下面都係生菜, 但係黎個下都好震撼, 蟹子食得出都新鮮冇腥味, 好抵食除左呢幾樣我地仲叫左2個炸物, 炸豆腐外酥內嫩, 呢到既炸野都幾有水準, 唔係淨係得特式壽司, 炸芝士年糕外脆內軟糯, 而且仲可以拉絲, 呢兩款小食都真係好岩一啖一件, 食唔停口總括來說, 食厭左連鎖壽司店之後, 呢間餐廳都幾有水準, 下次會再黎試下其他既特式壽司