如意正餐

Open Now

Now Closed

同朋友經過元朗大橋街市附近，見到呢間如意正餐店舖。買咗個外賣返屋企食，主打特色木桶飯和正宗炆鍋飯。外賣即叫即做，唔使等好耐就可以攞得。農家回鍋肉木桶飯回鍋肉炒得十分惹味，辣度適中，所以大部份人都應該啱食，另外都算多汁撈飯一流。豬肉片厚薄適中同埋肥瘦均勻，食多幾塊都唔會油膩。醬香牛腩炆鍋飯炆牛腩最緊要就係炆得夠入味又夠淋，醬汁又夠惹味，除咗牛味仲有配菜嘅甜味。飯量幾多，相當抵食又飽肚。豬肉粟米餃子餃子隻隻都煎得夠香脆但又唔會太燶。餃子皮厚薄均勻所以煎起唔會易爛。隻隻爆餡，食到豬肉香之外仲可以有爽脆多汁嘅粟米。