Video
Read full review
2004-10-11
14 views
一班朋友行完山，終點係粉嶺，朋友提議話呢間唔錯，比一般的客家菜特別。橫掂未試過又有人推介，當然舉手同意la!地方麻麻似舊式酒家，我o地未夠六點半去到已經要坐樓上，到7點幾已經有好多人係門口排隊。我o地10個人叫o左十幾樣，碟碟都有水準，真係要寫底如果唔係記唔得晒。當中我好欣賞有狗仔炆羊肉-非常入味之餘仍可保留羊羶味，羊肉鬆化羊皮彈牙；酥炸生蠔-仲要打孖兩碟，炸過後仍好鮮甜，好大隻好香口；水瓜蝦米煮魚鰾-係用沙爆魚肚，所以好夾脆；雜錦炒魚麵，話係用門鱔肉攪成麵條，好夠彈牙，加埋d辣椒油一齊食，真係一流；當然仲有我必叫的咕嚕肉，一定係即炸，除了汁係熱外，肉一入口好熱好脆，可與“港大校友會”一決高下。而較失望有醬烤豬千骨，朋友推介話係招牌菜，而我覺得醬汁味道ok，豬骨唔夠入未；海膽炒飯除了少海膽之外，飯亦炒得唔夠香，比起布袋澳差好遠。其餘白切走地雞、羌蔥珍珠蠔、乾煎涼瓜、魚湯浸白菜同菜心苗，雖然唔係好特別的，味道好夠水準，可媲美上等的酒樓，估唔度粉嶺有間咁正酒家(唔知爐爐去過未呢)。我o地食到8點幾行，仲有好多人等位，而隔離兩間食肆只得5成客。
地方麻麻似舊式酒家，我o地未夠六點半去到已經要坐樓上，到7點幾已經有好多人係門口排隊。
我o地10個人叫o左十幾樣，碟碟都有水準，真係要寫底如果唔係記唔得晒。當中我好欣賞有狗仔炆羊肉-非常入味之餘仍可保留羊羶味，羊肉鬆化羊皮彈牙；酥炸生蠔-仲要打孖兩碟，炸過後仍好鮮甜，好大隻好香口；水瓜蝦米煮魚鰾-係用沙爆魚肚，所以好夾脆；雜錦炒魚麵，話係用門鱔肉攪成麵條，好夠彈牙，加埋d辣椒油一齊食，真係一流；當然仲有我必叫的咕嚕肉，一定係即炸，除了汁係熱外，肉一入口好熱好脆，可與“港大校友會”一決高下。
而較失望有醬烤豬千骨，朋友推介話係招牌菜，而我覺得醬汁味道ok，豬骨唔夠入未；海膽炒飯除了少海膽之外，飯亦炒得唔夠香，比起布袋澳差好遠。
其餘白切走地雞、羌蔥珍珠蠔、乾煎涼瓜、魚湯浸白菜同菜心苗，雖然唔係好特別的，味道好夠水準，可媲美上等的酒樓，估唔度粉嶺有間咁正酒家(唔知爐爐去過未呢)。
我o地食到8點幾行，仲有好多人等位，而隔離兩間食肆只得5成客。
Post
