樂天皇朝 (利舞臺廣場)

Open Now

Now Closed

呢間中菜館來自新加坡，主打多款越粵菜、滬菜同川菜，近日更喺銅鑼灣利舞臺廣場開新分店。店內環境唔大但座位闊落，燈光柔和，令人感覺舒適。食物定價合理，適合一家大細聚餐。前菜有芝麻醬油麥菜，凍油麥菜都係第一次試，味道清新，咬落爽脆，點埋芝麻醬十分開胃。點心有蘿蔔絲酥餅，外層超級酥脆，一層層，入口即化，內餡飽滿，令人一試難忘。竹炭流沙包同樣有驚喜，咬落爆漿，食到成隻手都係，包皮帶微微香氣，流沙餡料甜度適中。招牌菜有特式皇朝小籠包，八種口味，有埋次序，味道創新又獨特，皮夠薄，湯汁多，有料。主食有松子鮮果桂魚，好大一碟，會幫手切，十分貼心。魚肉嫩滑，基本上無骨，外層炸至酥脆，醬汁酸甜，適合配飯。最後以宮廷驢打滾作結，糯米糍皮包住紅豆餡，煙韌軟糯，讚。