Video
Read full review
2022-05-08
4368 views
母親節帶屋企人去邊度食飯都唔容易架😂呢次就去咗銅鑼灣呢間楓林小館，本身係沙田起家，已經有70幾年歷史，仲曾經獲得米芝蓮推介，質素有保證👍🏻呢度嘅門面感覺幾雅致。今次就嗌咗幾道招牌小菜，好多都係考功夫嘅菜式，一於試下佢嘅手工先😏招牌紅燒乳鴿乳鴿係呢度必吃菜式，燒到熱辣辣外皮香脆，肉質實淨唔鞋有少許肉汁，調味剛好，唔駛點淮鹽都👌🏻👌🏻鳳尾蝦多士炸到金黃香脆嘅🦐多士，脆卜卜食落好香口，蝦肉都算大隻彈牙。欖角冰梅骨包裹住腩骨嘅脆漿夠薄同鬆脆，醬汁甜甜地，入面嘅肉偏肥美，肉質幾腍。櫻花蝦揚州炒飯大大份，飯粒炒得乾爽粒粒分明，食落幾香口。啫啫蝦乾唐生菜聽到啲啫啫聲再聞到醬汁嘅香味令人胃口大增，生菜好爽脆惹味😋香煎荷香蓮藕餅好有家鄉菜風味嘅蓮藕餅，煎得幾香口，食到爽口嘅粒粒蓮藕，不過啲豬肉就肥咗啲啲。人均消費：$250推介指數（10分為滿分）：7.5分楓林小館銅鑼灣謝斐道379－389號特麗樓1樓及地下5號舖
招牌紅燒乳鴿
乳鴿係呢度必吃菜式，燒到熱辣辣外皮香脆，肉質實淨唔鞋有少許肉汁，調味剛好，唔駛點淮鹽都👌🏻👌🏻
鳳尾蝦多士
炸到金黃香脆嘅🦐多士，脆卜卜食落好香口，蝦肉都算大隻彈牙。
欖角冰梅骨
包裹住腩骨嘅脆漿夠薄同鬆脆，醬汁甜甜地，入面嘅肉偏肥美，肉質幾腍。
櫻花蝦揚州炒飯
大大份，飯粒炒得乾爽粒粒分明，食落幾香口。
啫啫蝦乾唐生菜
聽到啲啫啫聲再聞到醬汁嘅香味令人胃口大增，生菜好爽脆惹味😋
香煎荷香蓮藕餅
好有家鄉菜風味嘅蓮藕餅，煎得幾香口，食到爽口嘅粒粒蓮藕，不過啲豬肉就肥咗啲啲。
人均消費：$250
推介指數（10分為滿分）：7.5分
楓林小館
銅鑼灣謝斐道379－389號特麗樓1樓及地下5號舖
Post
